லண்டனிலே மாப்பிளையாம் பெண்ணு கேக்கிறாங்க

லண்டனிலே மாப்பிளையாம் பெண்ணு கேக்கிறாங்க
ஆயிரமாய் சம்பளமாம் எண்டு சொல்லுறாங்க
எத்தனையோ பொம்பளைங்க ஊர்பார்த்து வந்தாங்க
இன்னும் சில பொம்பளைங்க ஊர்பார்க்கப்போறாங்க

ஐயைய்யோ வெட்கக்கேடு யாருக்குத்தெரியும்
வெளி நாட்டில் இன்று நடப்பதுதான் யாருக்குப்புரியும்

நல்ல நல்ல மாப்பிள்ளையாம் பெண்ணு கேக்கிறாங்க
ஆயிரமாய் சீதனத்தை அள்ள நிக்கிறாங்க
எத்தனையோ பொம்பளைங்க ஏமாந்து போனாங்க
இன்னும் சில பொம்பளைங்க ஏமாறப்போறாங்க

ஐயைய்யோ வெட்கக்கேடு யாருக்குத்தெரியும்
இந்த நாட்டினுள்ளே நரிகள் என்று யாருக்குப் புரியும்

அன்றொருநாள் நடந்ததொரு அவசரக்கலியாணம்
ப்ளேனிலேதான் பறந்துவந்தார் மாப்பிள்ளை டாம்பீகம்
மாப்பிள்ளையும் பெண்ணுமாக வெளியூர் பிரயாணம்
போன ப்ளேனில் திரும்பி வந்தாள் போச்சுது அவள் மானம்

ஐயைய்யோ வெட்கக்கேடு யாருக்குத்தெரியும்
வெளி நாட்டில் இன்று நடப்பதுதான் யாருக்குப்புரியும்

லண்டனிலே மாப்பிளையாம் பெண்ணு கேக்கிறாங்க
ஆயிரமாய் சம்பளமாம் எண்டு சொல்லுறாங்க

ஐயைய்யோ வெட்கக்கேடு யாருக்குத்தெரியும்
வெளி நாட்டில் இன்று நடப்பதுதான் யாருக்குப்புரியும்

எஞ்சினீயர் எண்டு சொல்லிப் புளுகித்தள்ளினாராம்
லண்டனிலோர் ஹோட்டலிலே வெயிட்டர் வேலைதானாம்
கொண்டுபோன காசிலேதான் காரும் வாங்கினாராம்
என்று அந்த பெண்ணும் வந்து சொல்லி அழுதாளாம்

ஐயைய்யோ வெட்கக்கேடு யாருக்குத்தெரியும்
வெளி நாட்டில் இன்று நடப்பதுதான் யாருக்குப்புரியும்

லண்டனிலே மாப்பிளையாம் பெண் கேக்கிறாங்க
ஆயிரமாய் சம்பளமாம் எண்டு சொல்லுறாங்க
எத்தனையோ பொம்பளைங்க ஊர்பார்த்து வந்தாங்க
இன்னும் சில பொம்பளைங்க ஊர்பார்க்கப்போறாங்க